Prishtinë 16.06.2022
Studentët e Tempullit së bashku me stafin akademik dhe administrativ realizuan një vizitë studimore – praktike në Autokaçndolli. Në këtë vizitë studentët dhe stafi i Tempullit u pritën nga Besim Sahiti, zyrtar i kompanisë. Gjatë vizitës studentët patën rastin të njihen me funksionimin e kësaj kompanie si në aspektin e shitjes së automjeteve transportuese por edhe çështjen e sigurimit të këtyre automjeteve gjatë procesit të shitjes së tyre. Studentët po ashtu u njoftuan edhe me procesin e riparimit të automjeteve të aksidentuara, në servisin e kompanisë që nga momenti i pranimit të një automjeti deri në momentin e dorëzimit të tij tek klienti. Vizita ishte mjaft e suksesshme dhe në vazhdën e vizitave studimore – praktike të cilat Tempulli është duke i realizuar me studentët në institucione të ndryshme brenda dhe jashtë Kosovës, në kuadër edhe të marrëveshjeve të cilat Tempulli i ka me institucione dhe organizata të ndryshme kombëtare dhe ndërkombëtare.