Prishtinë, 25.01.2023
Drejtori i Akademisë Tempulli, profesor Muhamed Krasniqi, në fjalën e tij hyrëse shprehu mirënjohjen dhe falënderimin për pjesëmarrjen dhe kontributin e institucioneve të fushës nga vendi dhe bota në këtë konferencë. Ai theksoj se kjo përkrahja e kësaj ngjarje edhe nga komuniteti akademik që kanë të bëjnë me trafikun, transportin dhe sigurinë rrugore, e kanë vendosur Kosovën në hartën e ngjarjeve më të rëndësishme në rajon dhe përtej. Në panelin hyrës të konferencës të pranishmëve ju drejtua edhe Nën Kryetarja e Komunës së Prishtinës znj. Donjeta Sahatçiu, e cila foli për rëndësinë e sigurisë rrugore dhe për zhvillimet aktuale në kësaj fushe në kryeqytet. Ajo u zotua në rritjen e bashkëpunimit dhe krijimin e kushteve më të mira për lëvizjen e qytetarëve në mjediset urbane.
Në konferencë prezantuan përfaqësues nga institucionet e ndryshme, si: Universiteti Kombëtar Teknik i Athinës, Universiteti Politeknik i Tiranës, Universiteti Shën Klementi i Ohrit nga Manastiri, Akademia Tempulli, Ministria e Mjedisit, Planifikimit Hapësinor dhe Infrastrukturës-MMPHI, Komuna e Prishtinës, Policia e Kosovës, Byroja Kosovare e Sigurimit (BKS), Asociacioni Kosovar i Motorizimit (AMRKS), Programi Ndërkombëtar për vlerësim e rrugëve (iRAP), IRU Academy, Federata Ndërkombëtare e rrugëve (IRF) dhe Këshilli Evropian për Siguri në Transport (ECTS).
Në konferencë morën pjesë rreth 100 pjesëmarrës me prezencë fizike dhe dhjetëra pjesëmarrës nga distanca (online).