Pragë, Çeki
2 tetor 2023
Kongresi botëror u hap nga Kryemistri i qeverisë çeke dhe pastaj me nga një fjalë rasti përshëndetëse vazhduan ministrat e trafikut dhe transportit nga qeveria ceke, sllovake, spanjolle dhe nga organizatorët e këtij eventi. Në mesin e shumë personaliteteve të larta të kësaj fushe me një fjalë rasti online të pranishmeve ju drejtua edhe z. Jean Todt, i ngarkuari i OKB-së për sigurinë rrugore.
Viteve të fundit tërë bota ka kthyer sytë kah rritja e sigurisë rrugore dhe zvogëlimi i aksidenteve në trafikun rrugor. Aksidentet rrugore janë ndër vrasësit më të mëdhenj të njerëzimit në botë andaj edhe kësaj radhe edhe ky takim i nivelit botëror po diskuton masat dhe veprimet që duhen të merren në funksion të rritjes se sigurisë së lëvizjes për të gjithë pjesëmarrësit në rrugë.
Kongresi do të vazhdoj punimet përgjatë gjithë javës me panele të ndryshme diskutimi nga pjesëmarrës nga mbarë bota. Do të organizohen edhe disa ekspozita të pajisjeve inteligjente për sigurinë rrugore si dhe do të mbahen punëtori të ndryshme duke sjellë idetë dhe risitë teknologjike të sistemeve të sigurisë rrugore.