Prishtinë 7 Mars 2011
Tempulli gjatë javës së kaluar ishte nikoqir i një ngjarje shumë me rëndësi për transportin rrugor. IRU Akademi nga Gjeneva/Zvicër për pesë dite me radhë organizoi një seminar ndërkombëtar për trajnimin e instruktorëve për ADR dhe Tahograf. Pjesëmarrësit nga Kosova, Shqipëria, Maqedonia dhe Turqia vinin nga sektori privat dhe publik. Ata adresuan nevojën e madhe për trajnim profesional në rajon dhe konfirmuan rëndësinë e zhvillimit të aftësive dhe njohurive të nevojshme për të përballuar aspektet gjithnjë e më komplekse në ndryshimin e legjislacionit. Kjo konferencë ju mundëson të gjithë instruktorëve pjesëmarrës që të pajisen me të gjitha informatat dhe burimet e nevojshme për zbatimin e Programeve të IRU Academy për ADR dhe Tahograf në nivel kombëtar.
Tashmë Tempulli ka edhe instruktorët e vet të certifikuar nga IRU Akademia për pogramin e tahografëve digjital (pesë instruktorë) dhe transportimin e mjeteve të rrezikshme – ADR (shtatë instruktorë).