Menaxhmenti i lartë i Tempullit së bashku me Koordinatorët e programeve studimore, Zyrën për sigurimin e cilësisë dhe mësimdhënësit, u takuan së bashku për të analizuar përfundimin e procesit mësimor për semestrin dimëror. U diskutua mbarëvajtja e procesit mësimor dhe përgatitjet për procesin e vlerësimit të njohurive të studentëve përmes aplikimit të softuerit digjital SEMS në afatin e provimeve.
Gjatë takimit është vlerësuar se procesi mësimor është zhvilluar në kuadër të planifikimeve dhe synimeve të vendosura, duke implementuar proceset e nevojshme sipas rekomandimeve të ekspertëve të cilët kanë bërë vlerësimin e jashtëm të Tempullit. Inkurajimi i mëtutjeshëm i studentëve për pjesëmarrje më masive në ligjërata dhe ushtrime, rrjedhimisht rritja e standardit të cilësisë mbetet përkushtim i vazhdueshëm i Tempullit edhe për semestrin vijues veror.