Tempulli që nga themelimi në vitin 1992, krahas punës së vet në ofrimin e shërbimeve aftësuese, profesionale dhe akademike, gjithmonë ka ofruar edhe shërbime komunitare pa pagesë. Përveç mbështetjes emocionale të grave dhe vajzave të prekura nga kanceri i gjirit, Tempulli ofron edhe mbështetje praktike falas në muajin tetor të këtij viti. Si pjesë e partneriteteve institucionale kësaj radhe Tempulli ofron mundësi aplikimi për bursa të plota të aftësimit dhe të studimeve, për gratë dhe vajzat që kanë mbijetuar ose janë prekur nga sëmundja e kancerit të gjirit gjatë vitit 2023.
- 2 bursa për aftësim në auto shkollë
- 2 bursa për trajnimin për Kualifikimin kombëtar Instruktor i Shoferëve, dhe
- 2 bursa për studime master në programin studimor Inxhinieria e Trafikut dhe Siguria Rrugore.
Kriteret e përgjithshme për përfitimin e bursave janë që kandidatet të janë banore të Komunës së Prishtinës dhe të kanë dëshmi të mjekut lidhur sëmundjen e kancerit të gjirit.
Kushtet dhe kriteret specifike për aplikim për secilën bursë janë:
Bursa për aftësim për patentë shofer:
- Mosha 18 vjet e tutje
- Letërnjoftimi
- Certifikata mjekësore
- Certifikata e Kryqit të Kuq
Bursa për shkollimin për instruktor i shoferëve:
- Mosha – së paku njëzet e pesë (25) vjeç
- Certifikata mjekësore
- Letërnjoftimi
- Dëftesat dhe diploma nga shkollimi i e mesëm
- Posedimi i patentë shoferit të kategorisë B së paku pesë (5) vite
- Certifikata e gjendjes penale, që dëshmon se kandidatja nuk është nën hetime apo i dënuar për vepër penale më shumë se gjashtë (6) muaj burgim.
Bursa për studime master:
- Diplomën e studimeve baçelor (origjinale ose kopje të noterizuar)
- Certifikata e notave nga studimet baçelor
- Certifikata e lindjes
Aplikimi bëhet online në linkun e mëposhtëm dhe është i hapur deri më datën 25 tetor, 2023. Aplikimi mbyllet me datë 31 tetor 2023 në ora 16:00. Në mesin e aplikanteve përparësi do të kanë gratë dhe vajzat e moshave më të reja!
https://forms.gle/Sf5aV7S2J2noNYpR9
Zbulimi i hershëm shpëton jetë!
Të gjithë së bashku, për shëndetin!