Doboj, Bosnje dhe Hercegovinë
21 qershor, 2023
Tempulli nënshkruan Memorandumin e Bashkëpunimit për krijimin e Qendrës rajonale të Ekselencës Hekurudhore
Një takim jashtëzakonisht i rëndësishëm që shënon një hap vendimtar drejt krijimit të një Qendre Rajonale Hekurudhore të Ekselencës që do të ofrojë arsimim, trajnim dhe mundësi të avancuara në karrierë për fuqinë punëtore hekurudhore në rajonin tonë. Kjo marrëveshje thekson nevojën kritike për ekspertë të aftë në këtë fushë për çka Tempulli do të kontribuojë me kapacitet e veta institucionale si ofruesi i vetëm i trajnimeve dhe studimeve në trafikun dhe transportin hekurudhor në vend.
Ceremonia e nënshkrimit u zhvillua në qytetin Doboj të Bosnje dhe Hercegovinës ku u mbajt edhe Komiteti i 16-të Teknik për Hekurudhat. Ky komitet shërbeu si një platformë për autoritetet përkatëse, akademinë dhe operatorët/ndërmarrjet hekurudhore që të diskutojnë së bashku temat kryesore me rëndësi për zhvillimin e sektorit hekurudhor.