Prishtinë 5 Tetor 2013
Në Kolegjin Tempulli me datën 05.10.2013, në kuadër të projektit TEMPUS, i financuar nga Komisioni Evropian,është mbajtur trajnimi profesional me studentët e Kolegjit Tempulli, ku ligjërues ishin ekspertë të njohur ndërkombëtarë dhe vendorë.
Studentët e Kolegjit Tempulli më këtë rast patën mundësinë që të njihen me përvojat dhe praktikat më të avancuara në fusha të ndryshme të biznesit. Kështu, gjatë trajnimi një ditore, profesorë me renome botërore kanë ligjëruar para studentëve temat nga fusha të ndryshme, si : Zhvillimi i karrierës, ku ligjërues ishte Prof.Dr. Mary McNulty, Shkathtësitë e prezantimit me ligjërues Prof. Dr.Gordon McDougall,dhe Komunikimi biznesor znj. Luljeta Aliu- WUS Kosova.
Qëllim i këtij trajnimi ishte që studentët të pajisen me shkathtësi të përgjithshme dhe praktika për zhvillimin e karrierës në biznes. Të pranishëm në këtë trajnim ishin një numër i konsiderueshëm i studentëve dhe stafit të cilët shprehën interesim të lartë në absorbimin e njohurive të reja.