Prishtinë, 9 Mars 2011
Në një ceremoni solemne ndahen diplomat edhe për 40 studentë të Tempullit të cilët me sukses kanë mbaruar studimet e tyre në fakultetin e Komunikacionit rrugor dhe transportit si dhe në fakultetin e Postës dhe Telekomunikacionit.
Të pranishmëve me një fjalë rasti ju drejtua u.d. i Dekanit Prof. Dr. Halil Turku i cili shprehu falenderimin e tij dhe për disa çaste kujtoi punën dhe veprën e madhe të ndjerit Profesor Arif Krasniqit, dekan dhe themelues i Tempullit. Për të qenë kujtimi për të i pavdekshëm dhe në nderim të tij ai kërkoi një minutë heshtje nga të gjithë të pranishmit. Më pas të diplomuarve ju drejtua edhe Prof. Dr. Musli Bajraktari dekan i Fakultetit të Inxhinierisë Mekanike (FIM) në Universitetin Publik të Prishtinës. Ai të diplomuarit i përshëndeti dhe i urojë në emër të studentëve dhe profesoratit të FIM-it.
Pas urimeve dhe përshëndetjeve të gjithë iu bashkuan koktejit të organizuar nga Tempulli.