Salzburg, Austri, 01 Dhjetor 2014-05 Dhjetor 2014
Në kuadër të projektit Tempus LO@HEI përfaqësuesit e institucioneve private të arsimit të lartë në Kosovë realizuan një vizitë studimore në lidhje me procesin e zhvillimit të kurrikulave bazuar në rezultatet e nxënies dhe mësimdhënien e bazuar në hulumtim. Vizita është zhvilluar në Universitetin e Salzburgut në Austri dhe është financim nga Komisioni Europian.
Gjatë ditëve të vizitës përfaqësuesit nga Kosova kishin mundësinë të jenë pjesë e ligjeratave të profesorëve dhe drejtuesve të këtij Universiteti, ku qëllime kryesore ishin:
– Promovimi i mësimdhënies bazuar në hulumtim;
– Zhvillimi i indikatorëve kyq për monitorim dhe krahasim të aktiviteteve të hulumtimit;
– Rishikimi i kurrikulave bazuar në kërkesat e tregut;
– Njohja e strategjisë së Universitetit të Salzburgut për mësimdhënien e bazuar në hulumtim, etj.
Të gjithë përfaqësuesit e institucioneve private të arsimit të lartë në Kosovë kanë prezentuar institucionet e tyre. Kolegji Tempulli në këtë vizitë kishte përfaqësues drejtorin Z. Muhamed Krasniqi dhe Gentianë Xheladini- zyrtare në Zyrën për Sigurim të Cilësisë. Z. Krasniqi bëri një prezentim në lidhje me zbatimin e procedurave të brendshme të vlerësimit dhe masat për mësimdhënien e bazuar në hulumtim.