Studentët e Tempullit së bashku me stafin akademik realizuan një vizitë studimore – praktike në Hekurudhat e Kosovës – Infrakos në Fushë Kosovë.
Gjatë vizitës studentët u pritën nga z.Ramadan Alaj, shef i qendrës së kontrollit të lëvizjes dhe z.Alush Spahiu, shef i stacionit qendror të hekurudhave të Kosovës në Fushë Kosovë.
Gjatë vizitës studentët patën rastin të marrin informacione të përgjithshme për Hekurudhat e Kosovës, Funksionimin, Rolin dhe Rendësin e Transportit Hekurudhor, njohja me itineraret e trenave që aktualisht janë në funksion, vizita e zyrës së dispeçerit të trenave, ku nga zyrtaret përgjegjës u njoftuan me mënyrën e funksionimit dhe lëvizjes së trenave. U vizitua edhe muzeu i hekurudhave të Kosovës ku studentët patën mundësi të shohin eksponate të ndryshme nga historiku i hekurudhave të Kosovës.
Vizita ishte në vazhdën e vizitave studimore – praktike të cilat Tempulli është duke i realizuar me studentët në institucione të ndryshme brenda dhe jashtë Kosovës, në kuadër edhe të marrëveshjeve të cilat Tempulli i ka me institucione dhe organizata të ndryshme kombëtare dhe ndërkombëtare.