Prishtinë 12 Korrik 2013
Agjencia e Kosovës për Akreditim (AKA) me datë 4 Korrik 2013 ka shpallur rezultatet e procesit të akreditimit. Bordi i kësaj agjencie ka nxjerrë vendimet për institucionet publike të arsimit të lartë dhe ato private bazuar në rekomandimet e grupit të ekspertëve që tash e disa muaj kanë vizituar këto institucione për të bërë vlerësimin e jashtëm.
Këshilli Shtetëror i Cilësisë (KSHC) i Agjencisë së Kosovës për Akreditim ka shqyrtuar raportet e ekspertëve të vlerësimit dhe në bazë të rekomandimeve, në mbledhjen e mbajtur më 3 korrik 2013, ndër Bartësit Privatë të Arsimit të Lartë (BPAL) ka vendosur që të riakreditohet SHLP “Tempulli” si Kolegj i Shkencave Teknike të Aplikuara në nivel institucional për periudhë 5-vjeçare (1 tetor 2013 – 30 shtator 2018).