Drejtori i Tempullit Profesor Muhamed Krasniqi në kuadër të zgjerimit te bashkëpunimit ndërkombëtar, ka nënshkruar Marrëveshje bashkëpunimi me Universitetin La Sapienza të Romës – Itali, respektivisht me Drejtorin e Qendrës për hulumtime, transport dhe logjistik, Profesor Gaetano Fusco.
Përmes këtij memorandumi synohet bashkëpunimi në fusha me interes të përbashkët për të dyja institucionet, me theks të veçantë ne hulumtime shkencore dhe akademike, organizimin e forumeve dhe simpoziumeve shkencore, shkëmbimin e publikimeve shkencore dhe informatave tjera relevante për interes akademik për të dyja institucionet.
Kjo marrëveshje është e rëndësishme për Tempullin, pasi do të ketë impakt të drejtpërdrejtë në rritjen e kapaciteteve intelektuale dhe krijimin e përvojave të reja nga nje Universitet prestigjioz jo vetëm në Itali por edhe më gjerë.