Prishtinë, 22.02.2022
Këshilli Drejtues (KD) i Autoritetit Kombëtar të Kualifikimeve (AKK), në mbledhjen e datës 22.02.2022 ka akredituar Akademinë Tempulli për Modulin “ECO Ngasja”. Ku akreditim dhe validim i këtij moduli është në kuadër të ri-akreditimit të Kualifikimit kombëtar profesional “Instruktor i shoferëve”. ECO ngasja tashmë do të ofrohet edhe në Kosovë nga Tempulli, si trajnim i akredituar sipas kushteve të akreditimit dhe Autorizimit të Ministrisë së Infrastrukturës, sipas Udhëzimit Administrativ nr. 21/2017 për mbajtjen e trajnimeve dhe seminareve për Instruktor të shoferëve.
Ofrimi i këtij Moduli profesional do të ju shërbej të gjithë instruktorëve (dhe jo vetëm) që të ushtrojnë profesionin e tyre, me qëllim të zgjerimit të njohurive të reja në ngasjen ekonomike dhe do të ndikojë në zhvillimin e tyre të vazhdueshëm profesional.
Ky trajnim plotëson edhe kushtet ligjore të vijimit të seminarit për ripërtrirjen e Licencës së Instruktorit të shoferëve.