Prishtinë, 25 shkurt 2020
Kolegji Tempulli është njëri nga 5 institucionet e arsimit të lartë në Kosovë që kanë themeluar Federatën e Sporteve Universitare të Kosovës. Tash e tutje aktivitetet jashtë mësimore të studentëve tanë do të kenë një dimension tjetër pas nënshkrimit të marrëveshjes të bashkëpunimit me Fakulteti i Shkencave Sportive (FEFS) të Universitetit publik të Prishtinës “Hasan Prishtina”.
Marrëveshja e nënshkruar përveç që mundëson shfrytëzimin e ambienteve sportive për nevojat e studentëve të Kolegjit Tempulli parasheh edhe organizime dhe ngjarje tjera të përbashkëta kulturore dhe sportive me interes për studentët e të dyja institucioneve. Marrëveshja është nënshkruar nga Dekani i FEFS-it, Prof. Dr. Musa Selimi dhe nga Kryetari i Kolegjit Tempulli Prof. Dr. Muhamed Krasniqi.