Prishtinë, 5 Maj 2020
Një takim virtual mjaft interesant po edhe i dobishëm për studentët e Tempullit. Drejtori Klinikës Emergjente të Qendrës Klinike Universitare të Kosovës Prof. Dr. Basri Lenjani, njëherë edhe mësimdhënës në Kolegjin Tempulli, mbajti një ligjëratë me studentët lidhur me shërbimet emergjente gjatë periudhës me pandeminë COVID 19. Gjatë prezantimit të tij ai vuri në pah se gjatë kësaj periudhe të pandemisë është zvogëluar dukshëm numri i aksidenteve në trafik, rrjedhimisht kjo ka ndikuar në uljen e kërkesës të qytetarëve për shërbime emergjente gjatë COVID 19. Profesor Lenjani gjatë ligjëratës studentëve ju ofroj informacione burimore lidhur me pandeminë dhe shërbimet e ofruara gjatë këtyre ditëve në qendrën spitalore. Pas ligjëratës studentët drejtuan disa pyetje të cilat u vlerësuan lart nga profesor Lenjani.
Për shkak të interesimit të shtuar të studentëve, ligjërata ka zgjatur më shumë se sa ishte planifikuar.