Prishtinë, 12 Mars 2020
Duke respektuar masat e ndërmarra nga Qeveria e Kosovës të datës 11 mars 2020 lidhur me COVID-19, Kolegji Tempulli sot në mëngjes ka diskutuar rreth situatës epidemiologjike si pasojë e Koronavirusit dhe masave parandaluese që duhet të ndërmerren. Gjatë takimit të hershëm të mëngjesit të sotëm është analizuar situata dhe është vendosur që të respektohet plotësisht vendimi i qeverisë së vendit duke u fokusuar në pikën 1 të këtij vendimi për ndërprerjen e procesit edukativo arsimor në institucionet arsimore publike dhe private në të gjitha nivelet deri 27 mars 2020.
Varësisht nga zhvillimet e situatës epidemiologjike të gjithë studentët dhe personeli mësimor do të njoftohen me kohë për ecurinë e mëtutjeshme.