Sot, menaxhmenti i Tempullit së bashku me bashkëpunëtorë pritën në vizitë pune Kryetaren e Këshillit Shtetëror të Cilësisë (KShC), Profesoreshën Hasnije Ilazi dhe Drejtorin nga Agjencia e Kosovës për Akreditim (AKA) z. Naim Gashi.
Takimi i sotëm edhe pse me karakter njohës dhe informues ishte mjaftë i rëndësishëm për të bashkëbiseduar lidhur zhvillimet e reja në arsimin e lartë në vend. Takimi kishte për qëllim inkurajimin e bashkëpunimit profesional me qëllim të implementimit të plotë të standardeve të cilësisë duke garantuar mësimdhënie dhe mësim nxënie pa anashkaluar edhe komponentin e hulumtimit aplikativ dhe shkencor.
Zyrtarët më të lartë të KShC-së dhe AKA-s, u njoftuan me implementimin e rekomandimeve të eksperteve ndërkombëtar të cilët ishin të angazhuar për vlerësimin e jashtëm të Tempullit si dhe për përgatitjet tona për fillimin e vitit të ri akademik.