Prishtinë, 3 Dhjetor 2019
Asociacioni i Komunave të Kosovës (AKK) organizoi takimin njoftues me katër komunat për fillimin e zbatimit të Projektit për hartimin e Planeve Komunale për Mobilitet. Ky projekt, që mbështetet nga GIZ/ORF (Fondet e Hapura Rajonale për Evropën Juglindore) në kuadër të projektit “Drejt përmirësimit të transportit dhe lëvizshmërisë në komunat e Kosovës” dhe është projekt njëvjeçar parasheh krijimin e planeve të qëndrueshme të mobilitetit urban për komunat Gjilan, Podujevë Ferizaj dhe Graçanicë.
Në këtë takim janë koordinuar edhe aktivitetet me komunat dhe Ministrinë e Mjedisit dhe Planifikimit Hapësinor për Javën e Mobilitetit, ndërsa në bashkëpunim me Institutin për Siguri Rrugore dhe Hulumtime ne Transport të Kolegjit Tempulli janë përcaktuar modalitetet e fillimit të bashkëpunimit mes tyre në fillimin e hartimit të Planeve Komunale për Mobilitet.