Prishtinë, 5 mars 2020
Kryetari i Kolegjit Tempulli Profesor Muhamed Krasniqi, i cili është anëtar i Bordit të Federatës të Sporteve Universitare e Kosovës, së bashku me ekipin futbollistik të studentëve dhe me Kryetaren e Këshillit Studentor Pranvera Grainca morën pjesë në ceremoninë e hapjes së Ligave Universitare në sallën “1 Tetori”.
Ceremoninë e hapjes e bëri Dekani i FEFS-it Prof. Dr. Musa Selimi, ndërsa me fjalë përshëndetëse të pranishmëve ju drejtuan edhe Zv. Ministri për Kulturë, Rini dhe Sport z. Ismet Beqiri, Rektori i UP “Hasan Prishtina” Prof. Dr. Marjan Demaj dhe Sekretari i KOK-ut z. Shasivar Haxhijaj. Të pranishëm ishin edhe përfaqësues të Komunës të Prishtinës, rektor, prorektor, përfaqësues të kolegjeve private dhe studentë.
Pas ceremonisë së hapjes menjëherë filluan garat në futsal, ping-pong, dhe volejboll. Plot respekt për FSNUK dhe ekipin e futsalit të studentëve të Tempullit: Ardian Muja, Meriton Sadiku, Endi Ademaj, Ron Morina, Valmir Halimi, Granit Ahmeti, Adonis Ahmeti, Jetmir Demiri dhe Krenar Ismajli.