Drejtori i Akademisë Tempulli Prof. Dr. Muhamed Krasniqin sot u prit nga Rektori i Universitetit “Nënë Tereza” në Shkup Prof. Dr. Aziz Pollozhani me të cilin nënshkruan marrëveshje bashkëpunimi në fushën e arsimit të lartë dhe kërkimit shkencor.
Në bazë të kësaj marrëveshjeje dy institucionet ranë dakord për të shkëmbyer personelin akademik për procesin mësimor, realizimin e hulumtimeve të përbashkëta si dhe shkëmbim të studentëve në kuadër të veprimtarisë kërkimore shkencore.
Të dy institucionet do të nxisin dhe mbështesin realizimin e projekteve të përbashkëta kërkimore, do të organizojnë konferenca, seminare e botime në fusha me interes të dyanshëm si dhe do të shkëmbejnë edhe përvojat lidhur me menaxhimin institucional, zhvillimin e programeve hulumtuese, projekteve kërkimore-shkencore, dhe projekteve të tjera të cilat janë me interes të të dy institucioneve.
Ky bashkëpunim, është i rëndësishëm për ne si Akademi, meqë do të ndikoj në mënyrë të drejtpërdrejt në ngritjen e kapaciteteve intelektuale dhe shkëmbim përvojash për studentët shqiptar në Kosovë dhe Maqedoni, u shpreh drejtori i Akademisë Tempulli, z. Muhamed Krasniqi.
#AkademiaTempulli #Tempulli #UNT