Hulumtimet | Kolegji Tempulli

Ky hulumtim është realizuar nga Kolegji i Shkencave të Aplikuara Teknike TEMPULLI dhe Asociacioni KosovaMotorizimit AMRKS, në bashkëpunim me Ministrinë e Arsimit Shkencës dhe Teknologjisë.

Ka kohë që është duke u ndier nevoja e madhe për një kampanjë gjithëpërfshirëse lidhur me sigurinë në komunikacion. Përveç botimit disavjeçar të revistës “Auto Tempulli”,e cila ishte periodiku, përkatësisht revista e vetme ilustruese në vend deri tani nuk ka pasur iniciativa të tilla për sigurinë në rrugë në nivel vendi.

Ky projekt përmes fushatave të veta,në radhë të parë ka për qëllim ngritjen e kulturës në trafik,njohjen me gjithë atë që duhet të dimë ,të mësojmë për sjelljen dhe përgjegjësitë tona si pjesëmarrës në trafik.

Aktivitetet janë zhvilluar sipas skemës së vendosur me rastin e planifikimit dhe dinamikës së caktuar me rastin e themelimit të FKSRR me datë 14 Maj 2013. Këto aktivitete janë paraparë të zhvillohen sipas etapave të mëposhtme:

Faza e parë

Maj – Qershor 2013 – Organizimi i testeve-vlerësimi i arritshmërisë;

Faza e dytë

Korrik – Gusht 2013 – Realizimi i emisioneve televizive;

Faza e tretë

Shtator-Dhjetor 2013 – Publikimi i rezultateve të hulumtimit;

Vazhdimi i aktiviteteve në shkolla;
Vazhdimi i sajimit të emisioneve televizive;
Emisioni “ Siguria në rrugë”

Me qëllim të shtrirjes së fokusit të aktiviteteve për sigurinë në rrugë, Kolegji Tempulli në bashkëpunim me KTV-në ka arritur të realizojë edhe një emision javor televiziv ‘Siguria në rrugë’. Përmes këtyre emisioneve televizive janë ftuar ekspertë në studio si dhe janë realizuar kronika të posaçme në terren varësisht nga tema e trajtuar.

Rezultatet e hulumtimit

Hulumtimi është realizuar gjatë muajve të pranverës dhe verës së këtij viti, me përzgjedhjen e MASHT-it,në 40 shkolla fillore dhe të mesme të ulëta. Janë vlerësuar rezultatet e nxënies në pjesën teorike (njohja e shenjave dhe rregullave të komunikacionit)dhe në pjesën praktike (shkathtësitë teknike në ngasjen e biçikletave). Në bazë të analizës së përgjithshme të gjendjes në terren, është vërejtur një gjendje jo e mirë e përvetësimit të njohurive teorike dhe e zhvillimit të mësimit praktik sa u përket rregullave dhe sjelljes në rrugë.Rezultatet e hulumtimit kësaj radhe i kemi fokusuar në rrafshin e shkollave,duke mos u ndalur në performacën individuale të nxënësve.

Duke u bazuar në të dhënat që kanë dalë nga ky hulumtim dhe duke njohur mirë situatën e tanishme në aspektin e sigurisë në rrugë si dhe aktivitetet e zhvilluara në këtë frymë konsiderojmë se janë të nevojshme këto veprime të shprehura përmes konkluzioneve të mëposhtme:

Të zhvillohen përgatitjet e nevojshme për hartimin e planit dhe programit të lëndës “Siguria në rrugë”me qëllim të përfshirjes në kurrikulat shkollore të kësaj lënde në vitin shkollor 2014/2015;
Të zhvillohen forma të përhershme të aktiviteteve mësimore dhe jashtë mësimore me nxënës me qëllim të rritjes së njohurive për një sjellje të kulturuar dhe të sigurt në rrugë. Përkrahja institucionale e aktiviteteve në kuadër të projektit“Siguria në rrugë”,të filluara këtë vit në shkollat fillore të Kosovës;
Sigurimi i fondeve për zhvillimin e fushatave sensibilizuese për sigurinë në rrugë. Krijimi i një fondi me pagesë simbolike nga të hyrat nga pagesa e policave të sigurimit të detyrueshëm,nga taksat rrugore me rastin e regjistrimit të automjeteve;
Harmonizimi i zhvillimit të aktiviteteve në shkallë vendi lidhur me sigurinë në rrugë;
Përfshirja sa më e madhe e institucioneve,organizatave,shoqërisë civile në zhvillimin e aktiviteteve për sigurinë e fëmijëve në rrugë;
Shtrirja dhe zgjerimi i aktiviteteve globale për sigurinë e fëmijëve në rrugë, edhe në mbarë vendin tonë.

Edukimi dhe arsimimi për sigurinë në rrugë por edhe informimi i publikut, ndihmojnë që njerëzit të lëvizin në mënyrë më të sigurt në rrugë. Duke vetëdijesuar dhe inkurajuar njerëzit që t`i binden rregullave dhe shenjave në rrugë, ndihmohet në krijimin e mirëqenies dhe rehatisë për të gjithë. Këto dhe arsye të tjera të ngjashme kanë qenë shtytja kryesore për fillimin e punës në realizimin e këtij hulumtimi.

Kolegji “Tempulli” dhe AMRKS në bashkëpunim me MASHT dhe përkrahjen nga FKSRR këtë vit organizuan edicionin e katërt të Rivistës shkollore “Siguria në rrugë”, aktivitet ky tashmë tradicional në shkallë vendi, me nxënës përfaqësues të shkollave fillore dhe të mesme të ulëta nga komunat e ndryshme të Republikës së Kosovës. Përzgjedhjen e shkollave e bënë MASHT-i.

Në vitin 2016 pjesë e aktivitetit ishin gjithsejtë 20 SH.F.M.U. nga 6 Komuna të Republikës së Kosovës (Prishtinë, Lipjan, Ferizaj, Vushtrri, Suharekë dhe Mitrovicë). Sikurse viteve të kaluara, implementimi i këtij edicioni ka qenë i ndarë në dy pjesë: pjesën teorike (vizitat në shkolla ku bëhet testimi/vlerësimi i nxënësve) dhe pjesën praktike (garat e nxënësve me biçikleta). Të dhënat e nxjerra nga vlerësimi teorik i nxënësve në shkolla, pasqyrojnë njëkohësisht edhe rezultatet e këtij hulumtimi.

identifikimi-i-faktoreve-qe-ndikojne-ne-sigurine-e-lev.jpg

Aksidentet në trafikun rrugor janë një dukuri rutinë që ndodhin në çdo vend të botës. Mijëra njerëz në botë humbin jetën çdo ditë në aksidente të tilla, kurse mijëra të tjerë mbesin me aftësi të kufizuara ose plagë emocionale përgjatë gjithë jetës së tyre. Një pjesë e konsiderueshme e këtyre personave janë fëmijë dhe të rinj të moshave të ndryshme (World Health Organization, 2007).

Edukimi dhe vetëdijesimi i fëmijëve dhe të rinjve në mënyrë efektive dhe në vazhdimësi për sa i përket rreziqeve në rrugë dhe përgjegjësive të tyre si pjesëmarrës në trafik, padyshim se është pjesë e rëndësishme e zhvillimit të tyre, andaj të gjithë duhet të punojmë së bashku për të ndihmuar fëmijët dhe të rinjtë të kuptojnë dhe menaxhojnë rrezikun në rrugë.

Kolegji i Shkencave të Aplikuara Teknike “Tempulli” dhe Asociacioni Kosovar i Motorizimit “AMRKS” në bashkëpunim me Ministrinë e Arsimit, Shkencës dhe Teknologjisë dhe përkrahjen nga Forumi i Kosovës për siguri në rrugë këtë vit organizuan edicionin e pestë të Rivistës shkollore “Siguria në rrugë”.

Për dallim nga katër vitet e mëparshme ku aktiviteti ka qenë i fokusuar vetëm në shkolla fillore dhe të mesme të ulëta, këtë vit aktiviteti në fjalë është shtrirë edhe në shkolla të mesme të larta nga komuna të ndryshme të Republikës së Kosovës. Përzgjedhjen e shkollave sikurse edhe viteve tjera e ka bërë MASHT-i.

Formula e realizimit të këtij Edicioni ka qenë e njëjtë sikurse viteve të kaluara: pjesa teorike (testimi i nxënësve në shkolla) dhe pjesa praktike (garat e nxënësve me biçikleta).

Të dhënat e nxjerra nga vlerësimi teorik i nxënësve në shkolla, pasqyrojnë njëkohësisht edhe rezultatet e hulumtimit “Shkaktarët e aksidenteve nga këndvështrimi i nxënësve”.

Pjesëmarrës në këtë hulumtim kanë qenë gjithsejtë 3691 nxënës të klasave 11 dhe 12, nga 23 shkolla të mesme të larta, nga dhjetë komuna të Republikës së Kosovës: Gjakovë, Gjilan, Drenas, Junik, Klinë, Pejë, Podujevë, Prishtinë, Prizren, Viti.