Corc, Irlandë, 19-21 Mars 2014
Në kuadër të Projektit TEMPUS LO@IAL, përfaqësuesit e institucioneve private të arsimit të lartë në Kosovë së bashku me partnerët e tjerë vendor dhe ndërkombëtar të projektit, kanë realizuar një vizitë studimore dhe punëtori lidhur me rezultatet e mësimit dhe vlerësimin. Vizita është zhvilluar në kampusin e Kolegjit Universitar në Corc në Irlandë, në periudhën 19 deri 21 Mars 2014.
Gjatë puntorive të ndyshme brenda këtyre ditëve kanë ligjëruar profesor dhe drejtues të Kolegjit nikoqir të cilët kanë prezantuar përvojat dhe ekspetizën e tyre në mësimdhënie. Përveç prezantimeve të tyre përfqësuesit nga Kosova patën rastin të shohin modelin e funksionimit të biblotekës së Kolegjit, të marrin pjesë në ligjërata me studentë, të vizitojnë laboratorët si dhe të marrin pjesë në prezantimin e punimeve të masterit të dhjetëra studentëve vendas.
Secili nga përfaqësuesit e e institucioneve private të arsimit të lartë në Kosovë është dashur të prezantojnë institucionet e tyre. Tempulli është përfaqësuar nga z. Muhamed Krasniqi, i cili pati një prezantim interesant të rezultateve të nxënies në programet profesionale dhe akademike në Kolegjin Tempulli.