Zyrtarë të lartë të shkollës së mesme të komunikacionit “Boro Petrushevski” nga qyteti i Shkupit shënojnë vizitën e parë të punës në SHLP Tempulli në Prishtinë. Vizitës i printe drejtoresha aktuale e shkollës zonja Ristovska, ish drejtori i shkollës z. Donevski dhe z. Sejrani profesor i lëndëve profesionale në shkollë. Takimi kalojë në një atmosferë pune dhe u bisedua lidhur me programet profesionale në fushën e komunikacionit në të dy shtetet fqinje. Mysafirët shprehën interesimin për bashkëpunim në të gjitha fushat me interes të përbashkët. Ata u interesuan edhe për mundësinë e regjistrimit të studimeve të larta në programet e Tempullit për nxënësit të cilët përfundojnë shkollimin e mesëm në Shkup. Në fund të vizitës mysafirët ftuan z. Krasniqi që sa më shpejtë të zhvillojë vizitën kthyese në Shkup.