Në Akademinë e Kosovës për Siguri Publike (AKSP), u mbajt konferenca e 7-të Ndërkombëtare, “Sfidat e mobilitetit të transportit dhe siguria publike”, e organizuar nga Kolegji Tempulli në bashkëpunim me partnerët.
Në konferencë morën pjesë përfaqësues të institucioneve vendore dhe ndërkombëtare si: Drejtori i Përgjithshëm i Akademisë Ismail Smakiqi, Zëvendësdrejtori i përgjithshëm i Policisë së Kosovës Kolonel Samedin Mehmeti, Profesori Muhamed Krasniqi Kryetar i Kolegjit Tempulli, pastaj Kryetari i Komunës të Vushtrrisë z. Xhafer Tahiri, përfaqësues të institucioneve tjera të sigurisë në vend si dhe studentë nga Kolegji “Tempulli” dhe Fakulteti i Sigurisë Publike.
Konferenca u zhvillua ne 4 sesione, ku sesioni i parë kishte prezantime te përfaqësuesve institucionalë, ndërsa tri sesionet e fundit ishin rezervuar për prezantime te publikimeve shkencore te fushave te ndryshme te profesorëve, asistentëve dhe studentëve. Studentët e Kolegjit Tempulli prezantuan disa hulumtime të tyre të cilat i kanë zhvilluar me profesorët. Në këtë konferencë ka patur edhe prezantime tjera nga profesorët e Universitetit publik të Prishtinës “Hasan Prishtina” nga Universiteti “Aleksandër Moisiu”, nga Kolegji i Lindjes te Mesme nga Omani, nga FRED Engineering nga Italia, etj.