Tiranë, 28 dhjetor 2019
Komunitetit shkencor në lëminë e shkencave teknike në vend i shtohet edhe një doktor shkence nga fusha e Trafikut dhe Transportit. Pas një pune cilësore, kërkimore dhe studiuese të nisur qysh në vitin 2013, profesori i rregullt në Kolegjin Tempulli, Dr. sc. Gëzim Hoxha mbrojti tezën e Disertacionit të doktoratës me titull “Identifikimi i faktorëve relevant dhe formulimi i modelit për caktimin e shpejtësisë së goditjes së automjetit në këmbësorë sipas gjatësisë së hedhjes së këmbësorit”.
Mbrojta e doktoratës është vlerësuar lart nga komisioni shkencor në Universitetin Politeknik të Tiranës. Profesor Gëzimi ndër të tjera shquhet edhe me disa publikime shkencore ndërkombëtare të indeksuara maksimalisht. Përveç angazhimit të rregullt me studentë Profesor Gëzimi është ekspert për analizë dhe ekspertizë të aksidenteve në trafik si dhe në plane të mobilitetit urbane në Institutin për siguri rrugore dhe hulumtime në transport.
Profesor Gëzimi padyshim se është edhe një vlerë e shtuar për Kolegjin Tempulli dhe për komunitetin shkencor të Kosovës dhe regjionit.