Prishtinë, 11 Maj 2020
Këshilli i Studentëve mbajti takimin e radhës nga distanca. Mbledhjen e hapi Kryetarja e Këshillit të Studentëve të Kolegjit Tempulli znjsh. Pranvera Grainca, e cila ju dëshiroj mirëseardhje dhe i falënderoje studentët për angazhimin e tyre të vazhdueshëm sa i përket çështjeve studentore. Ajo pas aprovimit të rendit të ditës, filloj bashkëbisedimin me anëtarët e Këshillit Studentor duke u përqendruar në situatën e tanishme me COVID 19. Gjatë mbledhjes është diskutuar edhe për vazhdimin e praktikës profesionale, ku studenti i vitit të tretë z. Florent Demolli shprehu shqetësimin e tij për shtyrjen e praktikës pas gjendjes të krijuar nga COVID 19. Studentët diskutuan edhe për mbarëvajtjen e provimeve, mbrojtjen e temave te diplomave që janë zhvilluar përmes platformave të ndryshme. Në fund studentët shprehen konsideratën e lartë për stafin dhe profesorët e Tempullit të cilët në vazhdimësi po ju sjellin studentëve ligjërata interesante, sikur ishte ligjërata të cilin e ka mbajtur Drejtori Klinikës Emergjente të Qendrës Klinike Universitare të Kosovës Prof. Dr. Basri Lenjani, njëherit edhe mësimdhënës në Kolegjin Tempulli.