Sarajevë, Bosnjë dhe Hercegovinë, 25 Mars 2014
Pas 12 viteve nga vizita e parë e delegacionit të Kolegjit Tempulli e zhvilluar në Sarajevë në muajin Maj 2002, sërish zhvillohet një vizitë pune në Fakultetin e komunikacionit në Sarajevë. Qysh atëherë gjatë realizimit të vizitës së parë, në shenjë ndihme dhe përkrahje institucionale, dekani i atëhershëm i këtij fakulteti Prof. Dr. Shefkija Qekiq, i dhuron Kolegjit Tempulli një numër të konsiderueshëm të botimeve të librave universitar, e cila ishte një dhuratë e çmuar që pasuronte biblotekën e Kolegjit, sidomos në atë kohë kur edhe ishte fillimi i studimeve, përkatësisht gjenerata e parë e studentëve.
Vizita në Sarajevë është zhvilluar në kuadër të marrëveshjes së bashkëpunimit në mes institucioneve tona dhe me qëllim të shikimit të mundësisë së bashkëpunimit profesional si dhe mobilitetit të studentëve dhe profesorëve.
Ishte kënaqësi që sërish të takonim dhe të falenderonim për bashkëpunimin e deritashëm si dhe t’i bënim një ftesë për të vizituar Kolegjin Tempulli, tha Muhamed Krasniqi, drejtor i Kolegjit.