Home

Konferenca e IV-të shkencore kombëtare “Siguria rrugore dhe përdoruesit e rrugës në Shqipëri”

Tiranë, 23 Maj 2019

Profesorët e Kolegjit Tempulli prezantuan tri punime shkencore në Konferencën e IV-të kombëtare “Siguria rrugore dhe përdoruesit e rrugës në Shqipëri”, e cila u mbajt në Tiranë në ambientet e Akademisë të Sigurisë të Shqipërisë.

Kjo konferencë bëri bashkë përfaqësues të institucioneve nga Shqipëria dhe Kosova si dhe përfaqësues të institucioneve ndërkombëtare të cilat veprojnë në Shqipëri. Me fjalë përshëndetëse Konferencës ju drejtuan përfaqësues nga Ministria e Brendshme e Shqipërisë, Kuvendi i Shqipërisë, Drejtoria e Policisë të Shqipërisë dhe Kosovës, Përfaqësues i OBSH-së në Shqipëri, Akademia e Kosovës për Siguri Publike, profesor, asistente dhe udhëheqës të institucioneve të arsimit të lartë në Shqipëri dhe Kosovë.

Punimet e profesorëve nga Kosova përkatësisht nga Kolegji Tempulli u vlerësuan lartë nga organizatorët dhe audienca e gjerë. Ishte kënaqësi që në këtë konference përveç profesorëve të Kolegjit Tempulli morën pjesë edhe disa ish student të diplomuar në Kolegjin Tempulli të cilët tashmë janë të angazhuar në punë profesionale në fushën e trafikut dhe transporti.