Home

Kolegji Tempulli shënon edhe një hap para drejt bashkëpunimit me Universitete Publike nga Gjermania dhe Sllovakia

Prishtinë, 13 Shkurt 2018

Menaxhmenti i lartë i Kolegjit të Shkencave të Aplikuara Teknike Tempulli priti sot në një takim pune Assoc. Prof. Ing. Peter Márton nga Universiteti i Zhilinës dhe Dipl.-Ing. Philipp Krause nga Universiteti Teknik i Berlinit. Në këtë takim u diskutua për hapat konkret drejtë bashkëpunimit në mes të Kolegjit Tempulli, Universitetit të Zhilinës dhe Universitetit Teknik të Berlinit, në realizimin të projekteve të përbashkëta ndërkombëtare.

Në Shtator të vitit të kaluar Kolegji Tempulli ka nënshkruar Marrëveshjen e Bashkëpunimit me Universitetin Teknik të Berlinit, kurse sot përmes kësaj marrëveshje i është hapur rrugë zgjerimit të bashkëpunimit ndërkombëtar edhe me Fakultetin e Menaxhimit të Shkencave të Informatikës të Universitetit të Zhilinës nga Sllovakia.

Fushat e bashkëpunimit do të përfshijnë çdo program të studimit i cili ofrohet nga dy institucionet, me qëllim të promovimit të bashkëpunimit përmes shkëmbimit të profesorëve dhe studentëve, publikimeve shkencore, bashkëpunimit në projekte të përbashkëta mësimore, shkencore dhe programe kulturore.

Universiteti i Zhilinës nga Sllovakia është institucion me traditë mbi 60 vjeçare, i cili ofron studime në 7 fakultete të ndryshme dhe numëron rreth 8,500 student.