Prishtinë, 04 mars 2020
Këshilli Drejtues i Autoritetit Kombëtar të Kualifikimeve në takimin e fundit ka validuar dhe ka akredituar edhe disa standarde të reja të profesionit, të cilat do të ofrohen për herë të parë në Kosovë. Këto trajnime janë mjaft të nevojshme për zhvillimin e sektorit të tregtisë, ndërtimeve, industrisë, logjistikës, terminaleve doganore dhe të transportit.
Tash e tutje qytetarët e Kosovës nuk kanë nevojë të udhëtojnë jashtë vendit për të ndjekur këto trajnime dhe aftësime. Kolegji Tempulli si qendra më e madhe e trajnimeve të kësaj fushë në vend, do të organizojë edhe këto kualifikime.
Kosova bëhet vendi i parë në rajon ku do të organizohen këto trajnime të validuara dhe të akredituara. Për më tepër të gjitha këto trajnime janë të njohura nga organet kompetente të Kosovës dhe janë të pranuara plotësisht edhe nga shtetet e BE-së.